Ziadin Sela, ka reaguar ndaj deklaratës së Kryeministrit të Kosovës, Albin Kurti, në lidhje me besimin që ky i fundit ka në Gjykatën Kushtetuese të Maqedonisë së Veriut për çështjen e gjuhës shqipe. Sela theksoi se është e papranueshme që Kurti tani të mbështesë një gjykatë që, sipas tij, mund të ketë një qëndrim të dëmshëm për të drejtat e shqiptarëve në Maqedoninë e Veriut, ndërkohë që ai ka harruar padrejtësitë e njëjtë që kanë bërë gjykatat serbe ndaj shqiptarëve.
“Albin Kurti është i gatshëm të besojë në gjykatat e Maqedonisë së Veriut, por ka harruar se sa të drejta ishin gjykatat serbe kur bëhej fjalë për shqiptarët. Tani po përpiqet të na japë besim për vendime që mund të na dëmtojnë”, u shpreh Sela. Ai shtoi se shqiptarët e Maqedonisë e meritojnë një trajtim të drejtë dhe një vendim të paanshëm për çështjen e gjuhës shqipe, duke theksuar se populli shqiptar duhet të mbështetet në të drejtat e tij dhe jo në gjykata që mund të jenë të ndikuara nga politika.
Deklarata e Kurtit, i cili kishte shprehur besimin se Gjykata Kushtetuese e Maqedonisë do të japë një vendim të drejtë për përdorimin e gjuhës shqipe, ka hapur një debat të ri mbi qëndrimet e dy liderëve, të cilët përfaqësojnë dy shtete të ndryshme me lidhje historike dhe politike komplekse.