Shporta e vjeshtës jo vetëm që ka parandaluar rritje të shpejtë të çmimeve, por ka kontribuar që një familje në muajt e kaluar të kursejë 1360 denarë gjatë blerjes së produkteve ushqimore. Këto janë llogaritjet e Ministrisë së Ekonomisë dhe Punës, për ndikimin e kufizimit të marzhës në 10%, masë që skadoi më 31 tetor. Durmishi thotë se pret që nga nëntori në mënyrë shtesë të ulen çmimet e produkteve, për shkak se ka filluar zbatimi i Ligjit për praktika tregtare.
Drejtori në largim i Inspektoratit të Tregut, në Daily Click deklaroi se edhe tregtarët me pakicës por edhe ata me shumicë janë munduar që t’i ikin masës. Disave prej tyre u është shqiptuar urdhërpagesë penale.
Por në çfarë mënyre tregtarët janë përpjekur që t’i ikin respektimit të masës për kufizim të marzhës në 10%.
Megjithatë, jo të gjitha produktet janë me çmime të ulura me këtë masë. Sipas Trajkovskit, qytetarët ishin të hutuar për çmimet e disa produkteve për shkak se tregtarë të caktuar që punojnë me pakicë, para sjelljes së masës kanë shkuar me marzhë më të ulët nga 10%. Çmimet e atyre produkteve edhe pas sjelljes së masës kanë mbetur të njëjta për shkak se nuk e kanë plotësuar kushtin për marzhë maksimale prej 10%. Ministri Durmishi paralajmëroi shportë për Krishtlindje në fund të vitit duke shtuar se do të ketë edhe shporta në Ramazan dhe Pashkë. Shportat do të përfshijnë produkte të caktuara varësisht nga nevojat e qytetarëve.