Rrëzohet një tjetër përpjekje për paqe në Gaza. Grupi militant Hamas, ka refuzuar propozimin e bërë së fundmi nga Katari dhe Shtetet e bashkuara, për një armëpushim të përkohshëm.
“Ne e kemi shprehur qëndrimin tonë për një armëpushim të shkurtër. Hamasi mbështet një fund të përhershëm të luftës dhe jo atë të përkohshëm”, tha Hamasi.
Propozimi përfshinte shkëmbimin e pengjeve dhe rritjen e ndihmës për Gazën.
Pavarësisht qëndrimit të Hamasit zyrtarët amerikanë besojnë se nëse kjo do të arrihej, mund të çonte në një marrëveshje të përhershme.
Ndërkohë situata mbetet katastrofike në frontet e luftës. Gjashtë punonjës shëndetësor u vranë dhe 4 u plagosën nga sulmet izraelite në Liban .
Sakaq Agjencia e Kombeve të Bashkuara për Fëmijët thotë se lufta mes Izraelit dhe Hezbollahut ka vrarë të paktën një fëmijë në ditë në Liban gjatë muajit të kaluar.