Fani Karanfilova Panoska është zgjedhur zëvendëspresidentja e re e Lidhjes Socialdemokrate të Maqedonisë (LSDM-së), duke zëvendësuar Sanja Llukarevskën, e cila dha dorëheqjen pas humbjes në zgjedhjet e majit.
Karanfilova Panoska ka qenë drejtoreshë e Fondacionit “Shoqëria e Hapur” dhe ka një përvojë të gjerë në sektorin publik. Pozita e zëvendëspresidentit u krijua kur Zoran Zaev mori drejtimin e LSDM-së në vitin 2013, dhe para Llukarevskës, këtë detyrë e mbajti Radmilla Shekerinska.