Më paska përmendur zv.Drejtori i ndërmarrjes publike ‘Rrugët Shtetërore’, Nazim Taipi, për gjoja shpërndarje të lajmeve të rrejshme.
Paaftësia në menaxhim, pafuqia politike në vendimmarrje nuk mund të mbulohet me akuza për lajme të rreme. Çdo gjë është e dokumentuar (zyrtarisht) me vendime paraprake të vetë Ndërmarrjes (siç shihet edhe në fotot e mëposhtme). Të gjitha avansimet e mbrendshme që janë bërë mbrenda kësaj periudhe janë punonjës maqedonas, ASNJË shqiptar. Krahas këtyre avansimeve ka edhe punësime të reja (shih fotot) të cilat janë përsëri maqedonas, ASNJË shqiptar.
Demanti i zv.Drejtorit Nazim Taipi, i cili përmes një ‘tabele’ është munduar të tregojë përfaqësimin e shqiptarëve mbrenda atij institucioni, është shumë i vakët dhe nuk paraqet asnjë argument që hedh poshtë realitetin mbrenda ndërmarrjes. Përfaqësimi i shqiptarëve mbrenda asaj ndërmarrje nuk është meritë e tij, por e qeverive (zyrtarëve) para tij.
Zv.Drejtori Nazim Taipi të tregojë (me vendime/dokument) se sa shqiptar ka punësuar dhe sa shqiptarë ka avansuar në detyrë, prej kohës kur ai ka marë detyrën si zv.drejtor në atë institucion dhe jo të tregojë se sa shqiptarë punojnë aty që prej ekzistencës së atij institucioni.
Mospërfillja nga zyrtarët e VMRO-së ndaj drejtuesve (kuadrove shqiptar) është evidente dhe këtë fakt nuk mund ta hesht as vetë Nazim Taipi. E tillë është gjendja jo vetëm në dikasterin ku operon Nazimi, por në çdo dikaster tjetër ku VLEN-i ka përfaqësuesit e vetë. Se pse duhet të bëjnë avokatin e VMRO-së duke i marë në mbrojtje e duke u pajtuar me çdo nënvlerësim që ju bëhet, kjo vazhdon të jetë një paqartësi.
Të gjitha të dhënat (dokumentet zyrtare) janë nxjerrë nga Ndërmarrja ‘Rrugët Shtetërore’:
https://roads.org.mk/odnosi-so-javnosta/izvestuvanja/
Bujar Bajrami i replikon zv. Drejtorit të Rrugëve Shtetërore Nazim Taipi: Me gënjeshtra nuk mbulohet paaftësia dhe pafuqia politike
