Izair Memedi
Reagim publik
Duke ndjekur me shqetësim zhvillimet e fundit dhe lajmet e vazhdueshme për situatën alarmante në shkollën “Panajot Ginovski”, apeloj me urgjencë te Kryetari i Komunës së Butelit dhe te këshilltarët shqiptarë, të cilët kanë marrë besimin dhe votën e qytetarëve, që të ndërmarrin masa të menjëhershme ndaj personelit të shkollës që ka ushtruar dhunë ndaj nxënësve.
Është e papranueshme që në një institucion arsimor, që duhet të jetë vend sigurie dhe zhvillimi për fëmijët tanë, të ndodhin akte të tilla të dhunshme. Nxënësit duhet të jenë të mbrojtur, të ndihen të sigurt dhe t’u garantohen të gjitha të drejtat e tyre.
Kërkojmë veprim konkret dhe të shpejtë, jo vetëm për të ndëshkuar përgjegjësit, por edhe për të parandaluar raste të ngjashme në të ardhmen.
