Në një shenjë të mëtejshme të përmirësimit të marrëdhënieve me Uashingtonin, Vladimir Putin ka emëruar Alexander Darchiev si ambasador të Rusisë në SHBA.
Presidenti Donald Trump ndryshoi politikën e mëparshme për luftën në Ukrainë, duke filluar bisedimet dypalëshe me Moskën dhe duke ndërprerë ndihmën ushtarake për Kievin pas përplasjes me presidentin ukrainas Volodymyr Zelensky në Shtëpinë e Bardhë javën e kaluar.
Moska dhe Uashingtoni janë përfshirë në një seri mosmarrëveshjesh diplomatike mbi personelin dhe pronën e ambasadës në vitet e fundit që, sipas Rusisë, kanë tensionuar marrëdhëniet.
Rusia nuk ka pasur një ambasador në Uashington që nga tetori i kaluar, kur i dërguari i mëparshëm, Anatoly Antonov, la postin e tij.
Darchiev, 64 vjeç, ka shërbyer dy herë në ambasadën ruse në Uashington dhe ka qenë ambasador në Kanada nga viti 2014 deri në vitin 2021./vizionplus.tv