Gjatë ditës së sotme, vëllai i Unikkatilit, Mentor Palokaj është gjetur pa shenja jete në një banesë në Prishtinë.
Miku i tij, Sadik Gjokaj, njëherazi anëtar i grupit TBA, shkroi se është i tronditur nga ky lajm.
Lajmin për vdekjen e ka konfirmuar zëdhënësja e policisë për rajonin e Prishtinës, Flora Ahmeti, e cila tha se viktima është gjetur pa shenja jete në një banesë në lagjen Arbëria në Prishtinë.
Konfrimimi i saj i plotë:
Sot rreth orës 18:00, kemi pranuar informatën për një person pa shenja jete në një banesë në lagjen Arbëria në Prishtinë. Viktimë në këtë rast është një mashkull (1983), vdekjen e të cilit e ka konstatuar ekipi mjekësor në vendngjarje. Hetuesit policor në koordinim me prokurorin po ndërmarrin të gjitha veprimet e duhura që do t’i kontribuonin hetimit të ngjarjes. /Gazeta10/
