SKANDAL: Njerëz të Taravarit ju bëjnë presion delegatëve të ASH që të mohojnë rejshëm nënshkrimet e tyre
Pas publikimit të vendimit të Gjykatës Themelore në Tetovë, për regjistrimin e Ziadin Selës si Kryetar të Aleancës për Shqiptarët, njerëz të afërt të Arben Taravarit kanë filluar të ushtrojnë presion mbi delegatët e Kongresit që të deklarojnë rejshëm dhe të tërheqin nënshkrimet e tyre nga pjesëmarja në Kongresin legal dhe legjitim në të cilin z.Sela u zgjodh kryetar i partisë. Siç na njoftojnë shumë anëtarë, këto presione bëhen nga forma të ndryshme, përmes thirjeve të drejtëpërdrejta të njerëzve të Taravarit, kërcënimeve me largim nga puna dhe tentimeve për joshje të rejshme.
Kjo formë e shantazhit dhe kërcënimit të delegatëve është një shkelje e rëndë dhe paraqet vepër penale dhe ne do të ndjekim në vazhdim çdo tentim për të ushtruar presion mbi delegatët dhe për të bërë mashtrime dhe manipulime edhe pse të njëjtat tanimë nuk paraqesin asnjë rrezik në aspektim juridik dhe janë të dështuara që në fillim. Por, ajo që duam ne është që anëtarët dhe delegatët të lihen të lirë, të mos ushtrohet presion dhe se për këtë dikush shumë shpejtë do të mbajë përgjegjësi dhe do të përgjigjet penalisht.
Tanimë për herë të dytë u konfirmua nga gjykata se Aleanca për Shqiptarët ju takon anëtarëve të denjë të partisë, ndërsa kryetar i saj legjitim dhe legal është z.Ziadin Sela. Këtë e kemi arritur falë mbështetjes absolute të delegatëve të vërtetë, anëtarësisë, strukturave partiake dhe mbështetjes së shqiptarëve.
Hiqni dorë sa më shpejtë nga mënyrat kriminale për të kontrabanduar partinë tonë të pastër dhe të shtrenjtë, sepse me këto tentime vetëm që do ta rëndoni situatën tuaj, ndërsa përsëri nuk do të arrini asgjë.
– Aleanca për Shqiptarët
ASH: Taravari i dëshpëruar bën përpjekjet e fundit duke ju bë presion delegatëve për të tërhek nënshkrimet
