Ramush Haradinaj thekson kontributin e Ali Ahmetit si një figurë të respektuar shqiptare dhe rëndësinë e bashkëpunimit mes Kosovës dhe Maqedonisë së Veriut në përballimin e sfidave të përbashkëta. Ai nënvizon se shqiptarët në Maqedoni janë faktorë kyç për zhvillimin e marrëdhënieve dhe se Kosova do të vazhdojë të mbështesë kërkesat legjitime për të drejtat e tyre, duke përfshirë përdorimin e gjuhës shqipe.
Postimi i plot i Ramush Haradinajt:
Ali Ahmeti është një prej figurave më të respektuara shqiptare. Kontributi i tij në të gjitha proceset nëpër të cilat kanë kaluar shqiptarët në Ballkan, të paktën në këto 30 e sa vitet e fundit, ka qenë i jashtëzakonshëm. Pata kënaqësinë që sot ta zhvilloj me të një bisedë vëllazërore për sfidat nëpër të cilat po kalojnë vendet tona.
Bashkëpunimi i Kosovës me Maqedoninë e Veriut duhet të jetë prioritet në marrëdhëniet tona, dhe shqiptarët në Maqedoni të Veriut janë faktorë përcaktues mbi të cilin zhvillohen këto marrëdhënie.
Kosova do të jetë gjithmonë mbështetëse e vëllezërve tanë në kërkesat e tyre legjitime për mbrojtjen dhe avancimin e të drejtave, duke përfshirë edhe përdorimin e gjuhës shqipe në RMV.