Krenar Lloga nga Aleanca për Shqiptarët ka kritikuar mediat maqedonase për siç thotë, mënyrën se si kanë mbuluar situatën në 48 orët e fundit. Lloga tha se, janë peng i vetvetes, shtetit të kapur dhe oligarksisë
“Është për të ardhur keq se si e gjithë bota mediatike maqedonase, përfshirë TV, radio, gazeta dhe portale, mbulojnë në mënyrë të njëanshme dhe joprofesionale gjithçka që ka ndodhur brenda 48 orëve të fundit në RMV.
Asnjë pamje nga ajo që ndodhi në Prilep, asnjë pamje nga ato që thirreshin në stadium në Manastir, asnjë pamje nga ajo që bëri policia në Kumanovë. Kam menduar se, pas dy dekadash, kjo elitë mediatike është pjekur dhe profesionalizuar, dhe se së bashku me ne do të dënonte të gjitha aktet e shëmtuara, ato nacionaliste dhe radikale. Por jo, ato janë peng i vetvetes, shtetit të kapur dhe oligarkisë.
Dënime për të gjithë shkelësit, por jo selektivitet, siç po bën ВЛЕН-DPMNE”, tha Lloga