‘MAQEDONIA NUK KA PASUR NJË BUXHET ZHVILLIMOR QË NGA VITI 1992’
Kryetari i Odës Ekonomike, Branko Azeski,kërkon zero tolerance ndaj korrupsionit, pasi sipas tij nevojiten institucione të pavarura. Sa i përket buxhetit, Arzeski thotë se Maqedonia nuk ka pasur një buxhet zhvillimor që nga viti 1992,
Kryetari i Odës Ekonomike, Branko Azeski, theksoi se vazhdimësia e çështjeve ligjore gjatë qeverisjes së një qeverie është e rëndësishme, por duhet të sigurohet që ky proces të mos keqpërdoret. Ai gjithashtu vuri në dukje nevojën për institucione të pavarura që do të jenë të gatshme të sanksionojnë çdo keqpërdorim të mundshëm. Reagimi i tij ka ardhur pas njoftimit të kryeministrit Hristijan Mickoski se një trup ad-hoc do të formohet për të hetuar pretendimet se qeveria e kaluar ka shpërndarë 100 milionë euro pa kriter për kompanitë gjatë pandemisë së COVID-19. Azeski gjithashtu theksoi se qëndrimi i Odës Ekonomike në lidhje me krimin, korrupsionin dhe ekonominë gri është zero tolerancë.
“Kjo është një çështje politike. Maqedonia ka tre dallime. Njëra është midis kapitalit dhe punës. Kapitali, pra pronarët, mendojnë se punëtorët nuk punojnë sa duhet, e kundërta mendojnë se nuk paguhen sa duhet dhe kjo ekziston. E dyta është se pabarazia mes popullsisë aktive dhe asaj të mbështetur, të cilën të gjithë e dimë se si reflektohet, e mban ekonominë gri në një nivel të lartë. Pyetja e tretë, do të thotë që vazhdimësia e problemeve juridike dhe çështjeve juridike duhet të vazhdojë edhe gjatë qeverisjes së një qeverie, dhe nëse do të abuzohet, kjo është pyetje tjetër. Dhe për këtë duhet të ketë institucione që do ta sanksionojnë. Qëndrimi i Odës Ekonomike për çështjen e krimit, korrupsionit dhe ekonomisë gri, korupsi i çështjeve është zero tolerancë”, tha Azeski.
Lidhur me kredinë nga Hungaria dhe nëse disa anëtarë të Odës do t’i marrin 250 milionë euro të ofruara, Azeski thekson se janë në kontakt me Qeverinë dhe të ditën e enjte kryeministri Hristijan Mickoski do ta prezantojë qëndrimin e tij për këtë çështje në ambientet e Odës Ekonomike të RMV-së
“Nuk na intereson asgjë tjetër veç marrjes së kapitalit të freskët dhe mjeteve të ndryshme që do të plotësojnë aktivitetet investuese. Qëndrimi ynë është që kjo çështje të mos zgjidhet në një mënyrë, por të vendoset në një paketë që do të thotë përmirësim i mjedisit të përgjithshëm të biznesit”, tha Azeski.
Në lidhje me ribalancimin e paralajmëruar të buxhetit nga Qeveria, Azeski theksoi se Maqedonia nuk ka pasur një buxhet zhvillimor që nga viti 1992, duke theksuar nevojën për një qasje të përgjegjshme dhe të qartë në menaxhimin e financave publike për të siguruar zhvillim dhe rritje ekonomike të qëndrueshme. Gjithashtu kreytari I Odës Azeski zhvilloi edhe një takim me ministren e Arsimit dhe Shkencës,Vesna Janevska, ku u diskutua për zgjerimin e konceptit të arsimit të dyfishtë dhe për hartimin e një ligji të ri për arsimin dhe aftësimin profesional, ku Oda e Ekonomisë mori pjesë aktive në proces. /tvklan.mk