Kuvendi i Maqedonisë së Veriut miratoi ligjin për gjahun dhe gjuetinë. Është një ligj reformues me risi të shumta dhe një zgjidhje ligjore të harmonizuar me rregulloret e Bashkimit Evropian.
“Me miratimin e këtij ligji, hiqet dhënia me koncension e zonave të gjuetisë dhe të aplikohet masa dhënia për përdorim dhe menaxhim për një periudhë prej 20 viteve”, thuhet në ligj. Përparësi për të fituar do të kenë koncesionerët e deritanishëm, por në rend të parë Shoqatat e gjuetarëve.
Ligji i ri për gjahun dhe gjuetinë parasheh kompetenca më të mëdha publike për Federatën e Gjuetisë së Maqedonisë.
Nga pikëpamja e sigurisë, ligji i ri parashikon trajnimin e detyrueshëm përpara dhënies së provimit të gjuetisë, veçanërisht në fushën e sigurisë së gjuetisë. Për më tepër, ligji i ri parashikon një dispozitë me të cilën jelekët me marker fluoreshente (fosforeshentë) bëhen të detyrueshëm gjatë gjuetisë së gjahut.
Risi është edhe fakti që sezoni i gjuetisë së derrit të egër nis më herët, pra parashikohet të fillojë më 1 maj dhe numri i gjuetjeve të lejuara për gjuetar në ditë është i kufizuar për disa lloje të gjahut.
Ligji për gjahun dhe gjuetinë parashikon mundësinë ligjore për krijimin e fermave për prodhimin e mishit të gjahut. Në këtë mënyrë kontribuon në zhvillimin e turizmit të gjuetisë, si dhe mundësinë e prodhimit dhe shitjes së mishit të gjahut, thuhet në njoftimin zyrtar nga Ministria e Bujqësisë dhe Pylltarisë.