Kandidati për president nga radhët e Frontit Europian, Bujar Osmani vlerëson se arsimi i mesëm obligativ po e dëmton tregun e punës, përcjell TV21. Osmani thotë se theks të veçantë duhet të vendoset te arsimi i mesëm profesional, respektivisht që nxënësit pas mbarimit të shkollës fillore, të profilizohen për industri të caktuara.
“Shteti të subvencionojë kompanitë, që kompanitë ta bëjnë mentorimin. Mentorët të jenë nga kompanitë”, tha mes tjerash Osmani.
Ai theksoi se investitorët e huaj po hasin në probleme në gjetjen e punëtorëve adekuatë në Maqedoninë e Veriut.
“Më bëjnë presion mua që të lejoj të vijnë nga Nepali, të vijnë nga India, nga Pakistani dhe Ambasada jonë në Nju Delhi është përplot kërkesa të njerëzve nga India, Nepali për të ardhur këtu, për shkak se i kërkon industria dhe nuk i gjen si profesionistë të asaj industrie këtu në vend”, tha mes tjerash Osmani.